| Leerders moet te alle tye
voldoen aan die voorskrifte vir skooldrag, persoonlike
voorkoms en gedrag soos bepaal deur die skoolhoof in medewerking
met die personeel en Beheerliggaam. Oortreding of verontagsaming
hiervan stel sodanige leerder bloot aan strafmaatreëls
wat deur die skoolhoof, ooreenkomstig relevante wetgewing,
toegepas of gemagtig mag word... |
| |
| Gedurende skoolure mag 'n
leerder nie uit 'n klas afwesig wees of die skoolterrein
verlaat sonder die skoolhoof of sy gevolmagtigde se verlof
nie. Indien 'n leerder vir 'n tydperk van een skooldag
of langer afwesig was, moet die rede vir afwesigheid skriftelik
deur die ouer / voog verstrek word... |
| |
| Die dra van die amptelike
skooldrag is verpligtend vir skoolbywoning, skoolfunksies
en georganiseerde skooltoere of uitstappies, tensy anders
gereël vir besondere geleenthede en omstandighede.. |
| |
| Ordelikheid, stiptelikheid
en stilte word vereis wanneer leerders aantree en verdaag,
van lokale of geboue verwissel, of daarin beweeg. Spesifieke
voorskrifte ter handhawing hiervan kan van tyd tot tyd
neergelê of gewysig word.. |
| |
| 'n Leerder mag nie 'n medeleerder
se liggaamlike welsyn benadeel of in gevaar stel nie.
Daarom mag 'n leerder ook nooit wapens, speelgoed of stowwe
wat liggaamlike leed kan veroorsaak, in sy / haar besit
hê nie... |
| |
| Skooleiendom, of enigiets
by die skool wat die eiendom van iemand anders is, mag
nie beskadig, ontsier of besoedel word nie... |
| |
| Die gebruik van, besit van,
of kontrole oor alkoholiese drank, enige vorm of bestanddeel
van dwelmmiddels, pornografiese leesstof of materiaal
is te alle tye ten strengste verbode.. |
| |
| Geriewe en toerusting van
die skool, insluitende die vir sport, mag buite skool-ure
slegs met die toestemming van die skoolhoof of sy gevolmagtigde
gebruik word.. |
| |
| Wanneer 'n leerder vrywillig
by 'n buitemuurse skoolbedrywigheid aansluit, moet die
verpligtinge en verantwoordelikhede in verband daarmee
nagekom word, tensy die skoolhoof vrystelling verleen... |
| |
| 'n Leerder mag nie sonder
die toestemming van die skoolhoof of sy gevolmagtigde
'n selfaangedrewe voertuig op die skoolterrein bestuur
of parkeer nie. |
| |
