Die Towers Trust gaan hom uitsluitlik daarop toespits om in samewerking met die Struisiebond aktiewe bemarking te doen onder oudleerders wat plaaslik, nasionaal en internasionaal woonagtig is. Eerstens om belangstelling aan te wakker in die doen en late van Struisieland en tweedens om finansiële betrokkenheid te verkry wat aangewend kan word tot die ontwikkeling en welsyn van die leerders van Hoërskool Oudtshoorn.

Die Towers Trust is uitstekend geposisioneer om hierdie taak te verrig. Fondse sal deur die Raad van Trustees beheer word, wat op sy beurt weer deur ‘n eksterne ouditeur gekontroleer sal word.

‘n Bemarkingshoof is op ‘n voltydse basis in diens van die Towers Trust met die uitsluitlike doel om die bemarkingsaksies van stapel te stuur.

Hierdie ambisieuse projek se sukses sal afhang van die erns waarmee die oudleerders in hierdie inisiatief sal inkoop en so die Raad van Trustees en Struisieland behulpsaam sal wees.

Kontak asseblief die bemarkingskantoor by Hoërskool Oudtshoorn en help ons om Hoërskool Oudtshoorn ‘n wêreldspeler in onderrig te maak.